【體路專欄】受傷後練返需要極大勇氣和耐性，一般需要1-3個月去恢復，重拾訓練前確保冇事冇痛，如恢復過程有痛，應停止練習並立即求醫，以免再受傷。
大傷的話，恢復過程開頭可以步行（walk）開始，再快步行（brisk walking），繼而慢慢跑（slow jog），再慢跑（jog），由15’慢慢加至30’至45’，由一星期2-3次慢慢加至4-5次，由於受傷期間沒有郁動好一段時間，體能和心肺等能力都會下降，運動時心率較容易偏高，依個時候心態放輕鬆，不要介意行 / 跑得慢，唔好成日望錶，完成時間就得，循序漸進（step by step），切忌心急和勉強！
無論係大傷定輕傷，每次運動前要做足熱身和伸展，尤其傷癒位置，同時也要建立基本體能，針對性地鍛鍊傷癒地方，強化它和讓它穩健（rehabilitation），正視自己弱點並加以改善。恢復過程一定辛苦，但只要堅持和有耐性，用心去克服一定可以戰勝難關！
文：香港跑手 屈旨盈
此篇文章由「體路 Sportsroad」最初發表於「【體路專欄】受傷後如何恢復訓練﹖」