【體路專欄】跑跑吓肚餓點算？好多人問我跑之前食咩，係咪食低GI （Glycemic Index升糖指數）嘅食物就唔會跑跑吓肚餓？
GI簡單啲講係食物造成血糖上升快慢嘅數值，低GI食物可提供飽足感，加上消化吸收速度比較緩慢，較唔容易感到飢餓，正係大家想要嘅嘢。
其實我無太在意食咩，所有食物都有佢嘅營養價值，我嘅正餐應該同大家差唔多，通常喺屋企食飯、麵、蔬菜、魚類、雞、蛋、豆類，閒時食吓生果，但我會注意進食時間，一般喺訓練前2-3小時完成，訓練前一個鐘如果肚餓會食小食，例如麵包、餅乾、香蕉等，我練緊跑好少會肚餓，但有時會跑到辛苦到想嘔同跑到無胃口。
小知識：
低GI食物（GI值55以下）食物大致有全麥穀物、奇異果、蘋果、牛奶、乳酪等等，膳食纖維含量高嘅食物擁有較低嘅GI值，水果蔬菜儲放時間越長越成熟時會有較高嘅GI值，烹調時間較長亦容易有較高嘅GI值。
文：香港跑手屈旨盈
此篇文章由「體路 Sportsroad」最初發表於「【體路專欄】低升糖食物的作用」