【體路專訊】香港女職業拳擊運動員陳衍婷去年底3奪金腰帶，為拳擊事業立下重要里程碑。這名拳壇新星周四（28日）再度報捷，於WBC亞洲輕蠅量級腰帶防衛賽中，在第4回合KO泰國排名前4的選手Nunoi Kanyarat，陳衍婷賽後振臂高呼：「我要俾全世界睇到香港女子拳擊有幾勁！」
陳衍婷為備蹲今次防衛賽，練習模式主要集中在力量訓練上，務求在最短時間內KO對手。她說：「比賽前，每天安排30回合訓練，唔單止鍛鍊咗我嘅體能同技術，嗰份意志亦令我喺比賽中獲得優勢。」是次防衛賽，跟她過往為贏金腰帶的賽事不同，陳衍婷坦言要承受更大心理壓力：「所以教練特登安排咗場館內賽，幫我調整心態。」完成這場防衛賽後，綽號「婚紗拳后」的她將繼續往世界舞台的方向前進，稍後將挑戰WBA亞洲腰帶，搏盡為自己贏得第4條金腰帶。
儘管陳衍婷在香港女子拳擊界嶄露頭角，被喻為「不敗拳后」，但她笑言用「婚紗拳后」更貼切：「當日都係為咗著靚靚婚紗而接觸拳擊運動，漸漸愛上呢件事，一步步克服難關追尋拳擊夢，仲攞咗3條金腰帶。希望用呢個名提住自己初心係咩，想贏之餘，亦要好好享受每場賽事，我係為自己同時亦係為咗我先生同屋企人去打，我帶住佢哋畀我嘅信心同力量，搏盡去做每個訓練、每場賽事。呢個名另外一層意義，係想鼓勵更多女仔，唔好睇少自己嘅能力，只要堅持，你都可以搵到自己嘅舞台，做一次主角，贏一次！」
此篇文章由「體路 Sportsroad」最初發表於「拳擊｜WBC亞洲防衛賽KO泰國對手 陳衍婷：讓世界看見香港女拳手實力」