【體路專訊】德國柏林馬拉松今日（24日）舉行，不少香港跑手參加，包括香港運動員黃尹雋和張耀樑也有落場，雙雙跑出好成績。前者將自己保持的香港紀錄時間大幅推前至2小時16分22秒，後者跑出自己最佳時間2小時23分27秒。
早前捲入品牌和選手村風波的香港跑手黃尹雋，表現並未受影響，早前一直留在歐洲訓練。黃尹雋在柏林馬拉松狀態甚好，以2小時16分22秒（香港紀錄仍有待田總確認）完賽，將自己今年4月時同在德國所創的香港紀錄時間2小時19分16秒大幅推前近3分鐘。但黃尹雋賽後謂受氣温影響，成績未算最完美：「今年柏林比想像中有啲熱，成績未到最完美，但PB到都算係一個收獲。賽前覺得自己今次練多咗，有三星期跑180k，以前最多都係兩星期170k，而且之前7月在雲南，8、9月在法國高原練習同休息都做得好足，諗住今次會跑好啲，事實係真係跑得好咗，但未夠。」對於再次打破香港紀錄，黃尹雋稱對全馬距離仍需要克服：「今次賽後覺得自己仲要一段時間去克服馬拉松比賽的距離，每次跑到25-30km時潛意識就會唔想跑。所以，都係繼續努力吧。」
至於，近年冒起的39歲跑手張耀樑亦在柏林馬跑出PB（Personal Best），以2小時23分27秒衝線。張耀樑謂時間超出預期，他謂：「賽前兩個月突然狀態好差，同教練陳家豪分析過可能因為上年年尾到今年年中都係一個跑步生涯高峰期，之後練習都唔係太理想，所以比賽都冇乜期望，亦都冇乜壓力，起步後順走睇下自己捱得幾耐，又估唔到可以捱到35公里先開始失速，可以繼1月渣馬及4月大邱馬拉松之後連續三隻馬拉松都可以做到PB，非常感恩！呢個柏林馬PB真係自己同教練都估唔到。」
此篇文章由「體路 Sportsroad」最初發表於「【馬拉松】黃尹雋柏林馬2:16:22大幅推前港績 張耀樑同創PB」