【體路專欄】今年渣打半馬，報名時未有明確目標，只是想在Davao 70.3前，測試一下自己的跑步能力回復到什麼水平。直至去年12月Dashing半馬挑戰賽前自己跑了一次1:57:58，覺得進度不錯，便定下了1:50:0內完成的目標。
這個目標除了覺得這是可達到外，還因為想取得明年優先報名的名額，老實說，這才是最大的動力。但其實我的年齡組別，要取得優先報名名額，1:52:0便足夠，所以練習過程內心並沒有傾盡全力的志向。
農曆年期間，聽從了魔鬼的說話：「休息週，又係農曆年，以現時狀態，只要tapering做得好，1:52完成半馬，無難度啦。難得假期，唔想跑就唔好跑，俾自己抖下，同小黑玩下仲好啦！」
賽前兩星期，又聽了魔鬼說：「得返2個星期，之前仲踩咗咁多車，其實耐力同力量都夠架啦。你知你啦，年紀大，恢復慢，要抖多啲呀。1:52無問題架啦!＂
結果賽前兩星期，分別每週總里數是24.65K和15.4K。比賽資料沒有多看，地鐵站那個出口才對也沒有搞清楚。
起跑線前，魔鬼又說：「死啦，腳軟喎，都係跑慢啲啦。」
天使在督促：「今日目標係1:50，5，10披就1:48:xx，即係中間有空間慢少少嘅，但都要記住係5”10”」
魔鬼反抗：「咩5”10呀，5”15都夠攞優先報名架啦！你睇下，佢無信心呀，又腳軟，又緊張，放過佢啦，你係咪又想佢操唔返呀！」
天使重複：「記住拎起腳，再放落地呢種跑法，咁就可以輕鬆5”，星期二做過架啦，你做到架，依家係5”10，其實好輕鬆！」
3！2！1！開始！專心動作，留意配速，在比賽的氣氛下，一定會比預期快，這時年少的我說：「4”47，好輕鬆喎，係咪可以上望5分披完成呀？或者以5＂披完成頭10K呀！」
老練的我說：「唔可以，頭段係人都輕鬆，千其唔好快，唔好理人，收番慢，只需5分10！」
肌肉指揮官：「收慢，但唔係落brake，保持節奏、跑姿的情況下收慢。」
年少的我、老練的我及肌肉指揮官就這樣溝通了13K，至西隧，首次超出5”10的目標，肌肉指揮官：「慢咗，做返好個動作！」
15K，魔鬼又走出來：「 5”37！！都話唔得架啦，爆啦！」
老練的我說：「唔好放棄，前段賺咗少少，有時間，1K僈咗當抖下，無問題的。記住我哋係以技術取勝，留心做好跑姿。」
肌肉指揮官：「已經留意咗，但好似做唔返個節奏同動作，可能真係太攰啦，同比啲上落斜打亂咗，協調唔返。」
老練的我：「唔緊要，咁用反我哋比較熟習，最唔用力嘅跑法，細步幅，高頻率。」
肌肉指揮官：「好！試下、」
18-20K，魔鬼又出現：「睇下，上唔返啦，放棄啦，1:52夠架啦!！」最後1K，望望錶，天使：「唔係喎，仲有5分多啲，跑到架喎，衝啦！」
最尾1K，4”53，本來可以1:50內，但原來多了200M（不只我的錶，大部份人的錶也顯示多了200M），結果1:50:12 完成（5”09披）。
比賽過程就是有這麼多的自己在說話，目標感强的或意志堅定的，天使會勝出。而常被魔鬼打敗的，可以檢討一下比賽過程中，腦海發生了什麼事。如何改變自我對話，以致有截然不同的表現，其實平時也可以練習。
總括今次比賽，2個月，半馬快了7分鐘，應該滿意的。繼續努力，我真心相信我會再一次PB的，我相信！
此篇文章由「體路 Sportsroad」最初發表於「【體路專欄】渣打半馬的自我對話」