【體路專訊】「決定咗，打多三年！巴黎，會係我嘅終點。」9月在東京殘疾人奧運會摘下銅牌的香港輪椅羽毛球好手陳浩源，今日（17日）在個人社文平台宣布延續自己的全職運動員生涯，目標鎖定2024年巴黎殘奧，希望得到更多資源及外界的認同。
今屆東京殘奧會首設羽毛球賽事，香港派出2名代表參賽，結果朱文佳奪得短肢組SH6級單打銀牌，陳浩源就獲輪椅組WH2級銅牌。作為36歲的老將，陳浩源在殘奧後一直未定去向，日前出席母校香港浸會大學分享會時透露預料在1至2周內決定未來計劃，直至今日終於宣布繼續持下去。他在個人fb發文寫道：
「仍然享受呢種激情嘅咆哮
仍然享受輸波嗰種撕心裂肺嘅痛
仍然享受贏波嗰種振臂高呼嘅喜悅
呢兩年係唔開心嘅，作為運動員，我喜歡比賽，贏每一場波。但係冇比賽，我啲鬥志就好似花冇咗水一樣，慢慢枯萎。
我唔想喺呢個情況下選擇退出。」
陳浩源指出，現時港隊尚未有未有接班人，自己應該再堅持一下：「我好想留多一屆，俾更多人知道，香港有一啲優秀嘅殘疾運動員係會用輪椅『飛嚟飛去』，而又會有好成績。我更加想殘疾羽毛球項目會好似劍擊同硬滾一樣，人才濟濟，成為香港傳統殘疾運動項目。」他感嘆年長運動員選擇去留有很多考慮，包括年齡、體力、精力、未來發展及金錢等等，因此希望得到更好的配套和更公平的資源分配。
最後，陳浩源表明三年後的巴黎殘疾人奧運會將是其運動員生涯的最後一站 ，可望留下勝利咆哮！「呢三年我嘅角色係運動員，我嘅本分都係運動員。如果大家見到我因為其他事務而令到自己唔專心喺運動事業上面，希望大家可以提提我。」
此篇文章由「體路 Sportsroad」最初發表於「【輪椅羽毛球】36歲陳浩源未言休 打多3年放眼巴黎殘奧」