【體路專訊】阿根廷足球隊近年國際賽成績彪炳，繼2022年第三度捧走世界盃後，日前又成功蟬聯美洲國家盃，有香港球迷決定於下月3日發起巴士巡遊慶祝，周四（18日）接受球迷報名，至今日已有50人參加，迅速成團。
《香港阿根廷足球球迷會》周四（18日）晚上透過社交平台發文，解釋今次自發主辦巴士巡遊的原因：「阿根廷國家足球隊創下三年四冠嘅佳績（註：2021、2024美洲國家盃、2022超級盃及世界盃），作為阿根廷球迷嘅你，有冇諗過點慶祝先至好？之前吹水群有朋友提議搞個巴士巡遊，初初大家可能只係講笑，不過我地球迷會管理層認真研究過，其實係work架喎！不如就睇吓香港有幾多阿根廷球迷願意瘋狂一次！」
活動日期已定於8月3日（周六），時間為晚上7至9時，構思中的巡遊路線必會經過彌敦道鬧市，惟確實路線及上車位置仍有待確定。《香港阿根廷足球球迷會》專頁有超過2,000個追隨者，開放報名至今已有40位成人及10位小童參加。活動人數上限為75人（上層55人、下層20人），每位參加者費用＄100至＄150。
今次並非香港球迷首次發起巴士巡遊，但以往多是來自球會fans，甚少由其他國家隊擁躉主導，阿根廷球迷更是第一次。有網民對於一班香港人慶祝其他國家奪冠感到可笑：「笑死，有自己地方嘅隊唔撐走去撐其他國家，贏咗都唔關你地事嘅，又唔見其他地方慶祝阿根廷攞冠軍？」亦有人留言：「咁熱愛足球，有冇睇過港足？」《香港阿根廷足球球迷會》回應：「雖然我哋係阿根廷球迷會，但成員大部分係香港人，有成員睇港超、香港隊比賽都好正常。相信支持阿根廷足球同支持香港足球並無衝突。」亦有球迷引用阿根廷球員奪冠後直播流出的唱歌歧視事件冷嘲熱諷一番：「有無得唱安素費南迪斯（Enzo Fernandez）隻歌， 無我唔join。」《香港阿根廷足球球迷會》也大方回應：「唔好意思要令你失望。」
文：文森特
此篇文章由「體路 Sportsroad」最初發表於「足球｜慶祝阿根廷三年奪四冠 香港球迷會彌敦道搞巴士巡遊」